Gwasanaethau

Rydym yn gweithredu fel dolen rhwng y ffermwr a’r ysgol, trwy drefnu ymweliadau gan y ffermwr â’r ysgol a chan yr ysgol â’r fferm. Rydym yn annog ysgolion, colegau a grwpiau eraill i astudio bioamrywiaeth Cymru’n lleol ac i gysylltu’r fferm â holl bynciau’r cwricwlwm. Ar hyn o bryd, rydym yn gweithredu yn siroedd Ceredigion, Caerfyrddin a Phenfro. Byddwn yn cysylltu ag ysgol i drefnu ymweliad, gan bennu â’r athro:

• y dyddiad a lle (unrhyw un o nifer o ffermydd organig/Tir Gofal yn rhwydwaith Nick)
• pa flynyddoedd i’w cynnwys
• sut y gall yr ymweliad gyd-fynd â chwricwlwm y tymor.

Y camau nesaf yw:

• ymweld â’r ysgol gyda’r ffermwr neu hebddo am ryw awr neu ddwy, gan gysylltu’r ysgolion â’r fferm trwy gyflwyniad synhwyraidd rhyngweithiol.
• byddwn yn dod â hadau, planhigion, ynghyd â llawer o eitemau sy’n helpu i ddweud y stori ‘o’r cae i’r plât’ ac sut mae’r plant yn cysylltu deirgwaith bob dydd o’u bywydau â rhyw fferm – boed yn lleol neu yn rhywle arall.
• byddwn hefyd yn dangos ein ffilm 15 munud o’r enw ‘Blwyddyn mewn Diwrnod – ar ôl hyn byddwn yn cynnal cwis 10 cwestiwn am y ffilm.
• ar ôl yr ymweliad, bydd yr ysgol yn ymweld â’r fferm, lle y byddwn yn cerdded ar hyd llwybr fferm, gan fwynhau’r wlad a’i bywyd gwyllt.

Gall pynciau a drafodir ar y llwybr fferm sy’n gysylltiedig â’r cwricwlwm gynnwys, er enghraifft:

• Astudiaethau amgylcheddol
• Y gadwyn fwyd
• Pethau byw
• Creigiau/daeareg
• Dwr, ffynhonnau a ffynonellau
• Dinasyddiaeth